Aj ka muashara yeh samjhta ha k Taleem, Roshan Khayali or Nokriyan orat ko taqat or azadi deti hain. Halan k yeh cheezain sirf orat ki haqeeqi azadi or taqat main bohat km kirdar ada kerti hain. Asal azadi Nabi Pak(Alaihis Salatu Wa Tasleem)k batae tareeqon or asoolon per amal kerne se milti ha. Panjtan Pak, Charon Yar(Radhi Allahu Anhum)or Kamil Waliyon (Rahmatullahi Alaihim) se faiz hasil kerne se jo taqat milti ha dunya ki kisi or jagah se nahi milti. Allah in hastiyon k zariye apnay bandon ki madad bhi kerta ha or haajaat bhi poori kerta ha.

Mazeed yeh k Allah k  Habib (Alaihis Salatu Wa Tasleem) ne apni hayate mubarka main taqreeban her maslay ka hal bataya. Rizq, bimari, rishtay, jadoo, jinnaat, olad ,gharz zindagi k tamam muamlaat main kamil rehnumai fermae. In taleemaat ko apni zindagi ka hissa bananay k baad kahin or janay ki zaroorat nahi. Taqreeban apnay masail khud ghar bethay hal kiye ja saktay hain.